शिक्षकालाच झाले विद्यार्थिनीवर प्रेम

मला आजही ते दिवस चांगलेच आठवतात. मी बारावीत होतो आणि आमच्या कॉलेजमध्ये एका चर्चेला उधाण आलं होतं. आमच्याच एका बॅचमधील मुलीचे आमच्याच एका विषयाच्या शिक्षकांशी प्रेम प्रकरण चालू आहे अशी बातमी कानावर आली. तेव्हा व्हॉटसअप, इंस्टाग्राम, फेसबुक सोडा साधे स्मार्टफोन सुद्धा नव्हते. त्यामुळे आम्हा मुलांना हा विषय अजुनच जवळचा वाटला. कारण कॉलेजमध्ये दंगा करायला आम्हाला एक विषय मिळाला होता.

असे नव्हते की आम्हाला ही गोष्ट माहीत नव्हती पण आधी आम्हाला असेच वाटतं होतं की मुलांनी जाणीवपूर्वक उडवलेली ही अफवा आहे. नंतर काही महिन्याने कळले की ती मुलगी सुद्धा सराना लाईक,आणि मग तर हद्दच झाली जेव्हा कळलं की सर सुद्धा तिला लाईक करतात आणि त्यांचं एक एकमेकांवर प्रेम आहे. असे नव्हते की आमचे सर वयोवृध्द होते. अगदी तरुण दिसण्यात रुबाब, एवढे सुंदर की कुणा मुलीला सुद्धा मागे टाकतील. आणि ती मुलगी सुद्धा सरांच्या पण सुंदर जणू अप्सराच. आमच्या कॉलेज मधील सर्वात सुंदर मुलगी होती ती.

ह्या सर्वाची सुरुवात गमती गमती मध्ये झाली होती. आधी मुली सरांवरून तिला चिडवायच्या मग मुले तिच्यावरून सराना चिडवायचे. ह्या सर्वात ते दोघे कधी एकत्र आले हे कळलेच नाही. पण कुणा शिक्षकाचे आपल्या विद्यार्थ्यावर प्रेम आहे हा विषय कुणाला पटणारा नव्हता. पालक आपल्या मुलींना शाळेत शिकायला पाठवतात. त्यामुळे ह्या विषयाने शाळेत खळबळ माजवली होती. अनेक दिवस ह्या घटनेत वेगवेगळ्या घडामोडी येत होत्या. ते दिवस आम्ही हसून काढत होतो पण आज तो विषय किती गंभीर होता ह्याची जाणीव नेहमी आम्हाला होते.

ह्या सर्व प्रकरणामुळे शाळेचे नाव सुद्धा खराब होणार होते. म्हणून आमच्या शिक्षकांना मुख्याध्यापकांनी दोन ऑप्शन दिले होते. एक तर त्या मुलीचा विषय सोडून द्या नाहीतर ह्या शाळा सोडून जा, पण त्यांनी त्या मुलीवर खरंच मनापासून प्रेम केले होते. त्यांनी एवढ्या मेहनतीने मिळालेले चांगले कॉलेज फक्त आणि फक्त तिच्यासाठी सोडून दिले. आम्ही सर्व मुले खूप वाईट विचार केले त्यांच्याबद्दल, आमच्या मते त्यांनी एका मुलीसाठी आपले संपूर्ण करीयर पणाला लावले. हे त्यांचे चुकले होते.

पण जेव्हा आम्ही आता विचार करतो तेव्हा आम्हाला अभिमान वाटतो की सरांनी आपल्या प्रेमासाठी पुढचा मागचा विचार न करता त्या मुलीची निवड करून जॉब सोडून दिला. शिक्षक आणि विद्यार्थी हे नातं खूप पवित्र मानले जाते पण त्यांनी जे केले ते चूक की बरोबर ह्याचे उत्तर माझ्याही जवळ नाहीये. पण सरांनी दोन वर्षा नंतर त्या मुलीसोबत लग्न केले आणि दोघे अत्यंत सुखानी संसार करत आहेत.

तुम्हाला काय वाटते मित्र मैत्रिणींनो त्यांचे हे वागणे बरोबर होते की चुकीचे?

कथेचे सर्व अधिकार लेखकाधिन आहेत, लेखकाच्या नावासोबत कथा शेअर करायला हरकत नाही.

लेखक : पाटीलजी (आवरे उरण)

Please follow and like us: